चालू घडामोडी : २ एप्रिल

सिंधूला इंडिया ओपन सुपर सिरीज स्पर्धेचे विजेतेपद

  • ऑलिम्पिक रौप्यपदक विजेती भारताची बँडमिंटनपटू पी व्ही सिंधूने इंडिया ओपन सुपर सिरीज स्पर्धेत महिला एकेरीत प्रथमच विजेतेपद मिळवले.
  • रिओ ऑलिंपिकच्या अंतिम फेरीत तिला पराभूत करणाऱ्या स्पेनच्या कॅरोलिना मरीनवर सिंधूने २१-१९, २१-१६ असा विजय मिळवला.
  • सिंधूने यापूर्वी मारिनविरुद्ध गेल्या वर्षी दुबई येथे खेळल्या गेलेल्या बीडब्ल्यूएफ सुपर सिरीज स्पर्धेत विजय मिळवला होता.
  • सिंधू आणि कॅरोलिना मरीन याआधी ९ वेळा आमनेसामने आल्या आहेत यापैकी ५ सामने मरीनने तर ४ सामने सिंधूने जिंकले होते.
  • या स्पर्धेच्या पुरुष एकेरीत डेन्मार्कच्या व्हिक्टर एक्सेलसेनने चिनी ताईपेच्या टीएन चेन चोऊचा पराभव करीत जेतेपदाचा मान मिळवला.
  • पुरुष दुहेरीत शिहो तनाका-कोहारू योनेमोटो जोडीने विजेतेपद मिळविले. त्यांनी नाओको फुकुमन-कुरुमी योनाओ जोडीचा पराभव केला.
  • जपानच्या शिहो तनाका व कोहारू योनेमोटे या जोडीने नाओका फुकुमान व कुरुमी योनाओ या जोडीचा पराभव करीत महिला दुहेरीत जेतेपद पटकावले.
  • मिश्र दुहेरीत चीनच्या सिवेई झेंग व किंगचेन चेन यांनी प्राप्त लु काई व हुआंग याकियोंग यांची झुंज मोडून काढत जेतेपद पटकावले.


भारतातील सर्वात मोठ्या बोगद्याचे लोकार्पण


  • पंतप्रधान नरेंद्र मोदी यांनी २ एप्रिल रोजी भारतातील सर्वात मोठ्या बोगद्याचे उद्घाटन केले. जम्मू काश्मीरमधील नाशरी ते चेनानी दरम्यान हा बोगदा तयार करण्यात आला आहे.
  • ९.२८ किलोमीटर लांबीचा हा बोगदा देशातील सर्वात मोठा बोगदा ठरला असून, त्यासाठी सुमारे ३,७०० कोटी रुपये खर्च आला आहे.
  • जम्मू व श्रीनगरला जोडण्यासाठी हा बोगदा तयार करण्यात आला असून, या बोगद्यामुळे जम्मू ते श्रीनगर हे अंतर ३० किलोमीटरने कमी होणार आहे.
  • या बोगद्यामुळे दोन तासांचा वेळ वाचणार आहे. तसेच दररोज २७ लाख रुपयांच्या इंधनाची बचत होईल.
 या बोगद्याची वैशिष्ट्ये 
  • देशातील सर्वांत लांब अंतराच्या या बोगद्याचे प्रत्यक्ष काम यूपीए सरकारच्या कालखंडात २३ मे २०११ रोजी सुरू झाले.
  • पुढे २०१४ साली मोदी सरकार आल्यानंतर गडकरींनी २५१९ कोटी रुपये खर्चाच्या फास्ट ट्रॅक योजनेत याचा समावेश केला.
  • हिमालयाच्या शृंखलेतील खालच्या पर्वतरांगांमधे १२०० मीटर्सच्या उंचीवरील ही योजना अवघ्या ३ वर्षांत साकार झाली.
  • अर्धवर्तुळाकार मुख्य बोगद्याची लांबी ९.२० किमी व रुंदी ९.३५ मीटर्स आहे. याखेरीज दोन्ही बाजूला १.३० मीटर्सचे पादचारी मार्ग आहेत.
  • अत्याधुनिक सुरक्षा व्यवस्था : बोगद्याच्या प्रवेशद्वाराजवळ ३६० अंशात बघता येतील असे सीसीटीव्ही कॅमेरे लावण्यात आले आहेत.
  • या बोगद्यात एकूण १२४ कॅमेरे लावण्यात आले आहे. तसेच गाड्यांची संख्या मोजण्यासाठी ट्रॅफिक काऊंटीग कॅमेराही लावण्यात आला आहे.
  • मोबाईल आणि इंटरनेट सेवाही या बोगद्यात सुरु राहील यावर विशेष भर देण्यात आला आहे.
  • याशिवाय वायरलेस कम्युनिकेशन, आकर्षक विद्युतरोशणाई, संकटाची माहिती देण्यासाठी प्रत्येक १५० मीटर्सवर एसओएस कॉल व्यवस्था, अशा आधुनिक यंत्रणा.
  • आपातकालीन परिस्थितीत मिळू शकणार माहिती : सुमारे १० किलोमीटर लांब बोगद्यात एका विशिष्ट फ्रिक्वेंन्सीवर एफएमही ऐकता येणार आहे.
  • या फ्रिक्वेन्सीचा फायदा म्हणजे आपातकालीन परिस्थितीत या एफएमवर माहिती देणे शक्य होईल.
  • एकही वृक्षाची कत्तल नाही : हा बोगदा तयार करताना हिमालयमधील एकाही वृक्षाची कत्तल अथवा पर्यावरणाची कोणतीही हानी करावी लागलेली नाही.
  • स्थानिकांना विशेष प्रशिक्षण देऊन या बोगद्याचे काम करण्यात आले. या बोगद्यामुळे काश्मीर खोऱ्यात व्यापार वाढेल.
  • हिमालयाच्या पर्वतरांगांमधील अत्यंत कठीण भागात स्थापत्य कलेचा हा उत्तम आविष्कार आहे.
  • जगात महामार्गावरील सर्वांत मोठा बोगदा ऑरलँड व लायरडेल मार्गावर नॉर्वेत आहे. त्याची लांबी २४.५१ किमी आहे. त्याखालोखाल आशिया खंडातल्या सर्वात मोठया बोगद्याची निर्मिती भारतात झाली आहे.


रेनबो फ्लॅगचे जनक गिल्बर्ट बेकर यांचे निधन


  • समलिंगींच्या प्रतिष्ठेचे प्रतीक म्हणून जगभरात मान्यता मिळालेल्या ‘रेनबो फ्लॅग’चे जनक, अमेरिकेतील कलावंत गिल्बर्ट बेकर यांचे ३१ मार्च २०१७ रोजी निधन झाले.
  • गिल्बर्ट यांचा जन्म २ जून १९५१ रोजी अमेरिकेतील कॅन्सास राज्यात झाला. त्यांचे वडील न्यायाधीश तर आई शिक्षिका होती.
  • बेकर यांनी १९७० ते १९७२ या काळात अमेरिकी लष्करात नोकरी केली. नोकरीच्या निमित्ताने ते सॅनफ्रान्सिस्को शहरात आले आणि तेथे त्यांचा समलिंगी चळवळीशी संबंध आला.
  • सैन्यातील सेवा संपल्यानंतर त्यांनी शिवणकला शिकून घेतली आणि त्यावर आपला चरितार्थ चालू केला.
  • १९७८साली बेकर यांनी रेनबो फ्लॅग (इंद्रधनुष्य झेंडा) बनवला. या मूळच्या झेंड्यात आठ रंग होते. 
  • या ध्वजातील आठ रंगांच्या पट्टय़ा लैंगिक जीवन, आयुष्य, पीडानिवारण, प्रकाश, निसर्ग, कला, सौहार्द, प्राणतत्त्व यांचे प्रतिनिधित्व करीत होत्या.
  • इंद्रधनुष्यातील रंग हे एलजीबीटी समुदायातील विविधतेचे प्रतीक आहेत. तसेच तो आकाशातून अवतरलेला नैसर्गिक ध्वज आहे, असे बेकर यांचे म्हणणे होते.
  • नंतर या झेंड्यातील गुलाबी आणि टर्कोज हे रंग झेंड्याचे मोठय़ा प्रमाणात उत्पादन करताना बाधक ठरल्याने ते नंतर वगळण्यात आले.
  • अशा प्रकारे सुधारित रेनबो फ्लॅगमध्ये सहा रंग होते. हा झेंडा लवकरच एलजीबीटी समुदायाचे प्रतीक म्हणून मान्यता पावला.
  • हा ध्वज रेनबो प्राइड म्हणून नंतर एलजीबीटी समुदायाच्या हक्कांच्या लढय़ाचे प्रतीक बनला आणि बेकर त्याचे चालतेबोलते पुरस्कर्ते बनले.
  • बेकर यांची कपडय़ांची नवी डिझाइन्स बनवण्यात हातोटी होती. त्याचा वापर त्यांनी एलजीबीटी चळवळीसाठी ध्वज व अन्य चिन्हे बनवण्यासाठी केला.
  • त्यानंतर १९७९साली बेकर सॅनफ्रान्सिस्कोमधील पॅरामाऊंट फ्लॅग कंपनीसाठी काम करू लागले. तेथे त्यांनी अनेक देशांतील चळवळी, पक्ष, संघटना आदींसाठी ध्वजांचे डिझाइन व निर्मिती केली.
  • १९९४साली त्यांनी १९६९च्या स्टोनवॉल दंगलीच्या २५व्या वर्धापन दिनानिमित्त जगातील सर्वात मोठा ध्वज बनवला होता.
  • २००३साली बेकर यांनी त्यांच्याच रेनबो प्लॅगच्या २५व्या वाढदिवसानिमित्त मेक्सिकोच्या आखातापासून अटलांटिक महासागरापर्यंत पसरलेला महाकाय रेनबो फ्लॅग बनवला. नंतर त्याचे तुकडे करून १०० शहरांत पाठवले होते.
  • अमेरिकेच्या सर्वोच्च न्यायालयाने २०१५साली समलिंगी विवाहाला मान्यता दिली. हा विजय साजरा करण्यासाठी व्हाइट हाऊसवर बेकर यांच्या रेनबो प्लॅगच्या रंगांत विद्युत रोषणाई करण्यात आली होती.

कोणत्याही टिप्पण्‍या नाहीत:

टिप्पणी पोस्ट करा